Normativa reguladora da sede

Creación de sedes electrónicas

O Real decreto 203/2021, do 30 de marzo, polo que se aproba o regulamento de actuación e funcionamento do sector público por medios electrónicos, establece que a sede electrónica ou sede electrónica asociada disporá, entre os contidos mínimos indicados no artigo 11.1, a identificación do acto ou disposición da súa creación, directamente ou mediante ligazón á súa publicación no Boletín Oficial correspondente, tal como establece o apartado b)  do artigo 11.1 citado.

O artigo 10.1 e 10.2 do citado Real decreto establece que a sede electrónica asociada terá a consideración de sede electrónica para todos os efectos, sendo o acto ou resolución de creación ou supresión dunha sede electrónica ou sede electrónica asociada publicado no boletín oficial que corresponda en función de cal sexa a Administración Pública titular da sede ou sede asociada.

A disposición adicional sexta do citado Real decreto 203/2021, establece que as sedes electrónicas existentes na data de entrada en vigor do mesmo, pasan a ter natureza de sedes electrónicas asociadas á sede electrónica da Administración Xeral do Estado, que é a sede do Punto de Acceso Xeral electrónico (PAGe). As subsedes electrónicas pasarán tamén a ter natureza de sedes electrónicas asociadas. Así mesmo, as sedes electrónicas dos organismos públicos ou entidades de dereito público vinculados ou dependentes existentes á data de entrada en vigor deste real decreto, manterán a súa natureza de sede electrónica e as subsedes destes pasarán a ter natureza de sedes electrónicas asociadas.

• Corrección de errores de la Orden HAC/1223/2024, de 25 de octubre, por la que se actualizan las sedes electrónicas del Ministerio de Hacienda.

• Orde HAC/1223/2024, do 25 de outubro, pola que se actualizan as sedes electrónicas do Ministerio de Facenda.
• Orde HAP/548/2013, do 2 de abril, pola que se crean e regulan sedes electrónicas no Ministerio de Facenda e Administracións Públicas.
• Instrumentos de adhesión á sede electrónica central do Parque Móbil, Instituto de Estudos Fiscais , Sociedade Estatal de participacións Industriais, Consorcio da Cidade de Toledo, Consorcio da Cidade de Cuenca, Consorcio da Cidade de Santiago.

Política de seguridade da información do Ministerio (PSI)

A  Administración Electrónica debe ser confiable para que a cidadanía realice os trámites administrativos correspondentes a través desta con total seguridade e fiabilidade. Para iso, o Real decreto 311/2022, do 3 de mayo, polo que se regula o Esquema Nacional de Seguridade no ámbito da Administración Electrónica, determinado polo artigo 156 da Lei 40/2015, do 1 de outubro, de réxime xurídico do sector público, persegue fundamentar a confianza na que os sistemas de información prestarán os seus servizos e custodiarán a información de acordo coas súas especificacións funcionais, sen interrupcións ou modificacións fóra de control, e sen que a información poida chegar a coñecemento de persoas non autorizadas.

A política de seguridade da información constiúe o marco de referencia orientado a facilitar a definición, xestión, administración e implementación dos mecanismos e procedementos de seguridade establecidos no Real decreto 311/2022, do 3 de mayo.

Por medio da Orde HFP/873/2021, do 29 de xullo, aprobouse a política de seguridade da información no ámbito da administración dixital do Ministerio de Facenda e Función Pública.

Información sobre o Rexistro da Sede

O Ministerio de Facenda utiliza o Rexistro Electrónico Xeneral da Administración Xeral do Estado (REG-AGE), que permite a recepción e remisión de solicitudes, escritos e comunicacións relativos ao seu ámbito, de conformidade co previsto en Lei 39/2015, do 1 de outubro, do Procedemento Administrativo Común das Administracións Públicas e a Lei 40/2015, do 1 de outubro, de Réxime Xurídico do Sector Público.

Conforme ao art. 37 os organismos públicos e entidades de dereito público vinculados ou dependentes de cada Administración poderán dispor do seu propio rexistro electrónico plenamente interoperable e interconectado co Rexistro Electrónico Xeneral da Administración á que estean vinculados ou da que dependan.

No Ministerio de Facenda existen outros Rexistros Electrónicos titularidade dos seus Organismos Públicos, como é a AEAT ou a FNMT.

Consulta de asentos rexistrais:

Desde o servizo electrónico de rexistro accesible desde a sede electrónica do Punto de Acceso Xeral, o interesado poderá consultar os seus asentos rexistrais realizados no REG-AGE mediante o acceso a Cartafol cidadán, que conterá, polo menos: 

• O estado das presentacións.

• O recibo dos asentos rexistrais 

• Os documentos adxuntos correspondentes ao asento rexistral.