Canles de acceso

O artigo 12.1 da Lei 39/2015, do 1 de outubro, do Procedemento Administrativo Común das Administracións Públicas establece que as Administracións Públicas deberán garantir que os interesados poden relacionarse coa Administración a través de medios electrónicos, para o que porán á súa disposición as canles de acceso que sexan necesarias, así coma os sistemas e aplicacións que se determinen en cada caso.

Pola súa banda o artigo 4 do Real decreto 203/2021, do 30 de marzo, polo que se aproba o regulamento de actuación e funcionamento do sector público por medios electrónicos, establece as canles a través das cales as Administracións Públicas prestarán a asistencia necesaria para facilitar o acceso das persoas interesadas aos servizos electrónicos, que serán algún ou algúns entre: Presencial, portais de internet e sedes electrónicas, redes sociais, telefónico, correo electrónico ou calquera outra canle que poida establecerse de acordo co previsto no artigo 12 da Lei 39/2015, do 1 de outubro.

As canles de acceso aos servizos dispoñibles nesta Sede Central, segundo recolle a Orde HAC/1223/2024, do 25 de outubro, pola que se actualizan as sedes electrónicas do Ministerio de Facenda son:

Para o acceso electrónico, a través de Internet, na forma prevista no punto 1c) do apartado terecero desta orde
Para a atención telefónica, a través dos servizos de información xerais (060), e a través dos teléfonos publicados na propia sede ou no portal web: https://www.hacienda.gob.es/
Para a atención presencial, as oficinas do Ministerio, tanto de carácter central como territorial, conforme ás competencias definidas nas normas reguladoras da organización ministerial, sen prexuízo do acceso a través dos rexistros regulados no artigo 16 da Lei 39/2015, do 1 de outubro, do procedemento administrativo común das administracións públicas.