O Consorcio da Cidade de Toledo é o ente de xestión do Real Padroado da Cidade de Toledo, conforme ó establecido no artigo 6 do Real Decreto 1424/1998, de 3 de xullo, polo que se constitúe e organiza o Real Padroado da Cidade de Toledo. 

Atópase integrado pola Administración Xeral do Estado, a Xunta de Comunidades de Castela-A Mancha, a Deputación Provincial de Toledo e o Concello de Toledo. 

Está adscrito á Administración Xeral do Estado, sendo o Ministerio de Facenda e Función Pública o ministerio de Adscrición, de conformidade co previsto no artigo 1 dos Estatutos do Consorcio da Cidade de Toledo, aprobados na súa redacción actual polo acordo do seu Consello de Administración de 13 de decembro de 2018 e publicados no Boletín Oficial do Estado mediante resolución de 20 de decembro de 2018, da Subsecretaría do Ministerio de Facenda (BOE nº 309 de 24 de decembro de 2018).

É o fin esencial do Consorcio da Cidade de Toledo, consonte co establecido no artigo 4 dos seus Estatutos servir de apoio administrativo e de xestión ó Real Padroado, cuxo obxectivo é promover e coordinar tódalas accións que deban realizar en Toledo as administracións e entidades que o compoñen, orientadas á conservación de Toledo, á difusión dos valores que simboliza, así como ó desenvolvemento e potenciación das actividades culturais e turísticas vinculadas á cidade.