Kexak eta Iradokizunak

Sektore Publikoaren Araubide Juridikoari buruzko urriaren 1eko 40/2015 Legearen 38.3 artikuluan eta sektore publikoaren bitarteko elektroniko bidezko jarduketa eta funtzionamendu erregelamendua onartzen duen martxoaren 30eko 203/2021 Errege Dekretuaren 11.2 b) artikuluan xedatutakoa betez, egoitza honetan esteka bat eskaintzen da kexak eta iradokizunak aurkezteko.

Ogasun eta Herri Administrazio Ministerioa egoitza elektronikoak sortu eta arautzen dituen apirilaren apirilaren 2ko HAP/548/2013 Aginduaren 10. artikuluan ezarritakoaren arabera, agindu honen bitartez sortutako egoitzek eskainitako edukiekin, kudeaketarekin eta zerbitzuekin loturiko kexak eta iradokizunak aurkezteko baliabide eskuragarriak honakoak izango dira:

Zergaduna Babesteko Kontseiluari kexak eta iradokizunak aurkezteko izapide-prozedura

Zergen administrazio-prozedurekin lotuta badaude kexa edo iradokizunak, Zergaduna Babesteko Kontseilua arautzen duen azaroaren 13ko 1676/2009 Errege Dekretuaren 8. artikuluan eta 3. atalean xedatutakoari jarraituko zaio.

Ministerio honen aurrean jarri beharreko kexa eta iradokizunak

Zerga-arloko administrazio-prozedurekin zuzenean edo zeharka lotuta ez dauden kexa edo iradokizunak direnean, aurrez aurre edo postaz aurkeztu ahal izango dira Saileko zerbitzu zentraletako eta bulego periferikoetako erregistro orokorretan eta jendeari arreta emateko bulegoetan, organo edo erakunde arduradunei zuzenduta, Estatuko Administrazio Orokorraren kalitatea hobetzeko esparru orokorra ezartzen duen uztailaren 29ko 951/2005 Errege Dekretuaren 15. artikuluan ezarritako prozeduraren arabera; edo elektronikoki aurkeztu beharko dira, Saileko Ikuskaritza Nagusiaren kexa eta iradokizunen zerbitzuaren bidez, zeina egoitza elektroniko zentral honetan erabilgarri baitago.

Ez dira kexak eta iradokizunak aurkezteko bidetzat hartuko egoitza behar bezala erabiltzeko aholkularitza elektronikoko zerbitzuak (herritarrek azaldutako arazoei erantzun behar diete, hala ere).